سووریا.. ھێرشکردنە سەر ناوەندێکی تەندروستی

ئیدلیب

یەکێک لە پزیشکانی ناوەندێکی تەندروستی لە شارۆچکەی بینیشی سەر بە ئیدلب بەناوی مائید بەدوا بە ئاژانسی ئانادۆڵوی راگەیاند کە لە ئەنجامی دوو ھێرشی ئاسمانی ناوەندی تەندروستی شارۆچکەکە بە تەواوی رووخاوە.

بەدوا راشیگەیاند کە ئەوە تاکە ناوەندی تەندروستی شارۆچکەکە بووە و لە ئەنجامی ھێرشەکەش سێ ئۆتۆمبێڵی فریاگوزاری و ژمارەیەکی زۆری کەلوپەلی پزیشکی لەناوچووە.

لە لایەکی دیکەش سەرچاوەکانی سەر بە ئۆپۆزسیۆنی سووریا، بانگەشەی ئەوەیان کرد کە فڕۆکە جەنگییەکانی سەر بە رژێم ناوەندە تەندروستییەکەیان بۆردومانکردووە.