سلێمانی.. بەخشینی خەڵاتی پاپای ڤاتیكان بەهێرۆ ئیبراهیم ئەحمەد

رێوڕەسمەكە لە كڵێسای ماریوسف لە شاری سلێمانی بەئامادەبوونی ژمارەیەك لە بەرپرسانی یەكێتیی نیشتمانیی كوردستان و مامۆستایانی ئایینی و قەشە و مەسیحییەكانی شارەكە و بەرپرسانی رێكخراوەكە و نوێنەری پاپای ڤاتیكان، بەڕێوە چوو.

رێكخراوی ئەسیسی پاكس ئنتەرناسیۆنال نوێنەرایەتی پاپای ڤاتیكان دەكات و لەماوەی ٢٠ ساڵی رابردوودا یەكەمجارە خەڵاتی ئەو رێكخراوە ببەخشرێتە ژنێك كە ئەویش هێرۆ ئیبراهیم ئەحمەد هاوسەری سكرتێری گشتی حزبەكە و سەركۆماری پێشووی عێراق، جەلال تاڵەبانی-یە.

بەرپرسانی رێكخراوەكە دوای بەخشینی خەڵاتی رێكخراوەكە و خەڵاتی پاپای ڤاتیكان فرانسیس، ئاماژەیان كرد بەوەی بەلای ئەوانەوە هێرۆ ئیبراهیم ئەحمەد ژنێكی گرنگە و خزمەتی گەورەی بەئاوارە مەسیحییەكان و منداڵان و هەژاران كردووە.