دەورییەی هاوبەشی سوپای تورکیا و سوپای ئەمریکا لە منبج

منبج/ئەنقەرە - AA

لە چوارچێوەی نەخشەڕێگای منبج-دا، هێزەکانی سوپای تورکیا و سەربازانی ئەمریکا سێیەم دەورییەی هاوبەش ئەنجامدەدەن.

بەپێی زانیارییەکانی پەیامنێری ئاژانسی ئانادۆڵو، سەربازانی سوپای تورکیا و ئەمریکا هەماهەنگیی دەکەن سەبارەت بە ئەنجامدانی سێیەم دەورییەی هاوبەش.

سەربازە تورک و ئەمریکییەکان کارەکان لە دەورووبەری زێی ساجو کە هەریەک لە هێڵەکانی پێشەوە لەبەرەی منبج و شارۆچکەی جەرابلوس لە ناوچەی ئۆپەراسیۆنی قەڵغانی فورات لە یەکتر جیادەکاتەوە، ئەنجامدەدن.

یەکەم دەورییەی هاوبەش لە نێوان سوپای هەردوو وڵاتدا، رۆژی یەکی تشرینی دووەم و دووەمیان رۆژی هەشتی تشرینی دووەم ئەنجامدرابوون.