ئەنقەرە - AA

سەرۆکی ئەمریکا دۆناڵد ترەمپ، ئۆپەراسیۆنی دەستگیرکردنی سەرۆکی ڤێنزوێلا نیکۆلاس مادۆرۆ'ی بە "ئۆپەڕاسیۆنێکی هەتا سەر سەرکەوتوو" ناو برد.

لە لێدوانێکدا بۆ New York Times، سەرۆکی ئەمریکا ڕایگەیاند، لە ئۆپەراسیۆنەکە هەم لە ئاست پلاندانان و هەم لە ئاست ئەو هێزانەی کە لە مەیدانەکەدا بوون، سەرکەوتنێکی باش هەبووە.

ترەمپ ڕایگەیاندووە، "زۆر پلانی باش هەبوو. سەربازە زۆر بەهێز و پێگەیشتووەکان ئەرکدار بوون. بە ئاشکرا سەرکەوتنێکی زۆر گەورە بوو".

لە وەڵامی پرسیاری ئەوەی کە ئایا لە ئۆپەراسیۆنەکەدا پرس بە کۆنگرێس کراوە و هەنگاوەکانی دوای ئەوە چی دەبێت؟ ترەمپ ڕایگەیاندووە کە ئەو بابەتانە دواتر لە کۆنگرەیەکی ڕۆژنامەوانیدا باس دەکات.

- هێزەکانی دێلتا فۆرس ئۆپەراسیۆنەکەیان ئەنجام داوە

پێشتر دوو بەرپرسی ئەمریکا کە ناویان ئاشکرا نەکراوە لە لێدوانێکدا بۆ کەناڵی CBS Newsی وڵاتەکەیان ئاشکرایان کردووە کە هێرشەکان بۆ سەر ڤێنزوێلا بە فەرمانی سەرۆکی ئەمریکا دۆناڵد ترەمپ کراوە.

بە پێی زانیارییەکان، هێزەکانی دێلتا فۆرس ئۆپەراسیۆنەکەیان ئەنجام داوە.

ئەو بەرپرسانە گوتوویانە، هێرشەکان بڕیار بووە کە ڕۆژی یەکەمی ساڵی نوێ ئەنجام بدرێت بەڵام پێشینە دراوە بە هێرشەکانی بۆ سەر ڕێکخراوی تیرۆریستی داعش لە نێجیریا و بۆیە هێرشەکانی سەر ڤێنزوێلا بەپاش خراوە.