ئەمریکا.. کۆبوونەوەی ھەزاران موسڵمان بۆ ئەنجامدانی نوێژی جەژن

واشنتۆن -AA

ھەزاران موسڵمان بەمەبەستی ئەنجامدانی نوێژی جەژن، لە ناوەندی کاروباری ئاینی ئەمریکا کە یەکێک لە گەورەترین مزگەوتەکانی ئەمریکا لەخۆ دەگرێت، کۆبوونەوە.

ناوەندی کاروباری ئاینی ئەمریکا ده‌كه‌وێته‌ ویلایەتی ماریلاند، کە نزیکەی نیو کاتژمێر لە واشنتۆنی پایتەختی ئەمریکا دوورە و ئەمڕۆش ژمارەیەکی زۆر موسڵمان لە زۆربەی ویلایەتەکان بەمەبەستی ئەنجامدانی نوێژی جەژنە روویان لەو شوێنە کرد.

وەزیری ویلایەتی ماریلاند، حۆن وۆبنسمیس، پێش ئەنجامدانی نوێژی جەژن گوتارێکی کورتی پێشکەشکرد و رایگەیاند کە، موسڵمانانی ویلایه‌تەکە گرنگی تایبەتی خۆیان ھەبووە.

لەلایەکی دیکەوه‌ش باڵیۆزی تورکیا لە واشنتۆن، سەردار کڵچ و، چەند بەرپرسێکی دیکەی تورکیا بەشداریان لە نوێژی جەژن کرد.

ژمارەیەکی زۆر موسڵمانی به‌ره‌گه‌ز ئەمریكایی کە لە ویلایەتەکانی ڤیرجینیا و ماریلاند بەشداریان کردبوو، لە دوای ئەنجامدانی نوێژی جەژن، لە باخچەی ناوەندی کاروباری ئاینی ویلایەتەکە نانی به‌یانییان به‌یه‌كه‌وه‌ خوارد.

ھاوکات ھەزاران موسڵمان لە پارکی Bensonhurst ناوچەی برزکلینی نیویۆرک، نوێژی جەژنی قوربانییان پێکەوە ئەنجامدا.