"ئەمریکا جەنگی لەگەڵ ئێران ناوێت"

برۆکسڵ - AA

بریکاری وەزیری بەرگری ئەمریکا، مارک ئیسپەر رایگەیاند کە کردەوە دوژمنکارانەی ئێران کێشەیەکی نێودەوڵەتییە و گوتیشی: "پێویستە بە ئاشکرای قسە بکەم، ئەمریکا جەنگی لەگەڵ ئێران ناوێت. بەڵام ئامادەین بەرژەوەندی و ھێزەکانی ئەمریکا لە ناوچەکەدا بپارێزین".

مارک ئیسپەر لە دوای کۆبوونەوەی وەزیرانی بەرگری وڵاتانی ئەندام لە ناتۆ کە ماوەی دوو رۆژی لە برۆکسڵ خایاند، لێدوانی بۆ رۆژنامەنووسان دا.

ئەسپەر ئاماژە بەوەشدا کە لەگەڵ ھاوپەیمانەکانیان لە ناتۆ تاوتوێی پێشھاتەکانی ناوچەی کەنداویان کردووە و داوایان لە وڵاتانی ئەندام کردووە کە کاردانەوەی خۆیان بەرامبەر "ھەڵسوکەوتە خراپەکانی" ئێران نیشان بدەن.

بریکاری وەزیری بەرگری ئەمریکا، مارک ئەسپەر ئاشکراشی کرد کە ئامانجی ئەمریکا ئەوەیە ئێران بھێنێتە سەر مێزی دانوستان و گوتیشی: "پێویستە بە ئاشکرا قسە بکەم، ئەمریکا جەنگی لەگەڵ ئێران ناوێت. بەڵام ئامادەین بەرژەوەندی و ھێزەکانی ئەمریکا لە ناوچەکەدا بپارێزین".

ئەسپەر ئاماژەی بەوەشدا کە ھیچ کەسێک نابێت "لەسەرەخۆیی" ئەمریکا بە لاوازی لێکبداتەوە و بەرگری لەوەشکرد کە کردەوە دوژمنکارانەی ئێران کاریگەری لەسەر چەندین وڵات ھەبووە.