Sarmand Hameed
31 تەمووز 2018•نوێکردنەوە: 01 ئاب 2018
كابول - AA
لە ئاکامی تەقینەوەی بۆمبێکی چێنراو لەسەر رێگایەک لە ویلایەتی فەراهـ رۆژئاوای ئەفغانستان، ١١ هاووڵاتی مەدەنی کوژران.
گوتەبێژی ویلایەتی فەراهـ، ناسر میهری بۆ ئاژانسی ئانادۆڵو گوتی: "تەقینەوەکە لە میانی تێپەڕینی پاسێک کە ژمارەیەک مەدەنی هەڵگرتبوو لە قەزای بالا بۆلوک، روویداوە".
ناسر میهری ئاماژەی بەوەشکرد لە ئاکامی تەقینەوەکەدا، ١١ مەدەنی کوژران و ٣٨ی دیکە برینداربوون کە برینی ژمارەیەکیان سەختە.
تاوەکو ئێستا هیچ لایەنێک بەرپرسیارییەتی خۆی لە ئەنجامدانی ئەو تەقینەوەیە رانەگەیاندووە.
