گوتەبێژی ئاکپارتی عومەر چەلیک هەوڵی هێرشکردنە سەر مەککە'ی سەرکۆنە کرد

گوتەبێژی ئاکپارتی عومەر چەلیک ڕایگەیاند: "هەوڵی هێرشکردنە سەر مەککە سەرکۆنە دەکەین. بێڕێزی کردن بە مەککەی موکەڕەمە، بێ ڕێزییە بە هەموو موسڵمانان".

چەلیک لەبارەی ئەو هێرشە درۆنییەی کە کرایە سەر مەککە و ڕێگریی لێکرا، پەیامێکی لە تۆڕی کۆمەڵایەتی NSosyal بڵاو کردەوە.

لە پەیامەکەدا گوتەبێژی ئاکپارتی عومەر چەلیک ڕایگەیاند:

"هەوڵی هێرشکردنە سەر مەککە سەرکۆنە دەکەین. بێڕێزی کردن بە مەککەی موکەڕەمە، بێ ڕێزییە بە هەموو موسڵمانان. هێرشکردنە سەر شارەکانی سعوودیە و لەسەرووی هەموویانەوە مەککە، جگە لە سوودگەیاندن بە ئەوانەی کە ئامانجیان نیەتی خراپە بەرامبەر موسڵمانان، هیچ واتایەکی دیکەی نییە".