Ramal Abdullah Mahmood
22 نیسان 2017•نوێکردنەوە: 24 نیسان 2017
هاتای – AA
بەمەبەستی پڕکردنەوەی پێداویستییە بەپەلەکانیان، هاوکاری مرۆیی بەسەر ئەو خێزانانەدا دابەشکرا؛ کە لە ناوچە گەمارۆدراوەکانی ژێردەستی رژێمی بەشار ئەسەدەوە گوێزراونەتەوە.
رێکخەری کاروباری سووریا لە وەقفی هاوکاری مرۆیی، ئەرهاگ یەمەلەک بە پەیامنێری ئاژانسی ئانادۆڵوی راگەیاند، بەردەوامن لە گەیاندنی هاوکاری مرۆیی بۆ ئەو هاووڵاتییە سووریانەی لە ناوچە گەماردۆدراوەکانی ژێردەستی رژێم رزگارکراون بەتایبەت لە دابینکردنی کەلوپەلەکانی شوێنی مانەوە.
یەمەلەک ئاماژەی بەوە دا کە هاوکاری پێویست و بەپەلەیان لە خۆراک و خواردەمەنی بەسەر ئەو کەسانەدا دابەشکردووە کە بە کاروانی ئۆتۆمبێل لە گوندەوارە گەمارۆدراوەکانی دیمەشقەوە گوێزراونەتەوە بۆ ئیدلب. بەردەوامیش دەبن لە دابەشکردنی هاوکاری پێویست بەسەریاندا.
