کەشوهەوای ناوچەکانی رۆژهەڵاتی ئانادۆڵو

ئەرزەڕۆم – AA

بە هۆی بەفربارینەوە پلەکانی گەرما لە حەوت پارێزگای رۆژهەڵاتی ئانادۆڵو بۆ ژێر سفری سەدی دابەزین.

بەڕێوەبەرایەتی کەشناسی ناوچەکە پێشبینی دەکات بە هۆی ئەو بەفرەی باریەوە و لە بەشێکی زۆری ناوچەکە کەوتووە، ماوە ماوە هەور لە ئاسماندا ببیندرێن. کەشوهەوای ناوچەکەش بە پێی وەرزی ئاسایی بێت، لە شەوان و بەرە بەیانیشدا زوقم گرتن رووبدات و تەمومژ دروست بێت.

نزمترین پلەکانی گەرما لە شەودا لە قەرس تۆمار کرا کە ١٩ پلەی ژێر سفری سەدی بوو لە شارەکانی دیکەش بەمجۆرە بوو: ئەردەخان - ١٨، ئاگری - ١٧، ئەرزەڕۆم - ٨، ئیدر - ٦، دێرسم - ٤، ئەرزنجان -٣.

پێشبینی دەکرێت بەرزترین پلەکانی گەرما بەمجۆرە بێت: ئەرزنجان، ئیدر و دێرسم ٧، ئەرزەڕۆم ٤، قەرس ١، ئاگری - ٧، ئەردەخان - ٤.

شەپۆلی سەرماوسۆڵەی ناوچەکە تەنگوچەڵەمەی لەبەردەم باڵندە و ئاژەڵە کێوییەکان درووست کردووە.