کۆبوونەوەی سێ قۆڵی تورکیا-ئەمریکا-ئۆکراینا لە ئیستانبوڵ دەستیپێکرد

ئیستانبوڵ - AA

کۆبوونەوە سێ قۆڵیی تورکیا-ئەمریکا-ئۆکراینا کە لە نووسینگەی دۆڵمەباهچەی سەرۆکایەتی کۆمار لە ئیستانبوڵ بەڕێوەدەچێت، دەستیپێکرد.

بەپێی ئەو زانیارییەی لە سەرچاوەکانی وەزارەتی دەرەوەی تورکیاوە دەستکەوتووە، شاندەکانی تورکیا و ئەمریکا و ئۆکراینا بە سەرۆکایەتی وەزیری دەرەوەی تورکیا، هاکان فیدان لە نووسینگەی دۆڵمەباهچەی سەرۆکایەتی کۆمار لە ئیستانبوڵ کۆبوونەوە.

شاندی ئەمریکا پێکهاتووە لە وەزیری دەرەوەی وڵاتەکە، مارکۆ ڕوبیۆ و باڵیۆزی ئەمریکا لە ئەنقەرە، تۆم باراک و نوێنەری تایبەتی دۆناڵد ترەمپی سەرۆکی ئەمریکا، کیس کیلۆگ.

هەروەها شاندی ئۆکراینا پێکهاتووە لە سەرۆکی نووسینگەی سەرۆکایەتی وڵاتەکە، ئاندری یێرماک و وەزیری دەرەوە، ئاندری سیبیها و وەزیری بەرگریی، ڕوستەم عومەرۆڤ.

بڕیارە هەر ئەمڕۆ کاتژمێر ١٢:٣٠خولەک، لە هەمان شوێن کۆبوونەوەی سێ قۆڵی تورکیا-ڕووسیا-ئۆکراینا بەڕێوەبچێت.