پێش ھاتنی باڵندەکان ھێلانەکانیان بۆ ئامادە دەکا

جەلال دوزسۆز دانیشتووی ناوچەی گەڤەر لە ھەكاری كه‌ هێلانه‌ بۆ باڵنده‌ كۆچبه‌ره‌كان ئاماده‌ ده‌كا، له‌باره‌ی ئه‌و كاره‌ی گوتی: "ھەر ساڵ لەگەڵ ھاتنی وەرزی بەھار ژمارەیەکی زۆر باڵندە روو لە ناوچەکە دەکەن بە تایبەتی لەقلەقەکان. بەر لە ھاتنی ئەو باڵندانە من دەچم و ھێلانەکانیان خاوێن دەکەمەوە."

ناوچەی گەڤەر کە بە ھۆی بەرزبوونییەوە زستانان بەفرێکی زۆری لێ دەبارێ، لەگەڵ ھاتنی وەرزی بەھار دەبێتە مەسکەنی باڵندە کۆچەرەکان و تا کاتی دەست پێکردنەوەی سەرما و سۆڵە ئەو باڵندانە ھەر لەوێ دەمێننەوە.