په‌یامنێره‌كانی ئانادۆڵو ئازادكران

ئه‌و سێ په‌یامنێره‌ی ئاژانسی ئانادۆڵو كه‌ له‌ شارۆچكه‌ی نسێبینی سه‌ربه‌ ماردین له‌لایه‌ن ئه‌ندامانی په‌كه‌كه‌وه‌ رفێنرابوون ئازادكران.

په‌یامنێری ئانادۆڵو ره‌وف ماڵتاش له‌گه‌ڵ فۆتۆگرافه‌ر ئۆنور چۆبان و كامێره‌مان كه‌نعان یه‌شیلیورت كه‌ له‌كاتی رووماڵكردندا له‌ گه‌ڕه‌كی یه‌نی شه‌هری شارۆچكه‌ی نسێبین له‌لایه‌ن ئه‌ندامانی په‌كه‌كه‌وه‌ رفێنرابوون، به‌هه‌وڵی په‌رله‌مانتاری هه‌ده‌په‌ بۆ شاری ماردین عه‌لی ئاتاڵان و سه‌رۆكی لقی شارۆچكه‌ی نسێبینی هه‌ده‌په‌ فه‌رهاد كوت و شاندێكی یاوه‌ریان ئازادكران.

رۆژنامه‌نووسه‌كان كامێراكانیان پێنه‌دراوه‌ته‌وه‌ و به‌مه‌به‌ستی وه‌رگرتنی زانیاری لێیان، گه‌یه‌نرانه‌ به‌ڕێوه‌به‌رایه‌تی ئاسایشی شارۆچكه‌ی نسێبین.