توركيا

٣٧ كۆچبه‌ری ناو به‌له‌مه‌ ژێرئاوكه‌وتووه‌كه‌‌ رزگار كران

Sarp Özer  | 23.07.2021 - نوێکردنەوە : 23.07.2021
٣٧ كۆچبه‌ری ناو به‌له‌مه‌ ژێرئاوكه‌وتووه‌كه‌‌ رزگار كران

Ankara

ئه‌نقه‌ره‌ - AA

وه‌زاره‌تی به‌رگریی توركیا رایگه‌یاند، تواندراوه‌ ٣٧ كۆچبه‌ر له‌ناو ئه‌و به‌له‌مه‌ رزگار بكرێت كه‌ به‌ دووری ١٦١ میل له‌ باشووری رۆژئاوای شارۆچكه‌ی كاش له‌ پارێزگای ئانتاڵیا ژێرئاو كه‌وت و هه‌وڵه‌كانیش به‌رده‌وامن بۆ دۆزینه‌وه‌ی هه‌شت كۆچبه‌ره‌كه‌ی دیكه‌.

​​​​​​​وه‌زاره‌تی به‌رگری له‌ راگه‌یه‌ندراوێكدا تیشكی خستووه‌ته‌ سه‌ر ئه‌وه‌ی كه‌ ئێواره‌ی رابردوو به‌له‌مێك كه‌ ٤٥ كه‌سی له‌نێو دابووه‌ به‌ دووری ١٦١ میل له‌ باشووری رۆژئاوای شارۆچكه‌ی كاش و ٦٠ میل له‌ باشووری دوورگه‌ی كه‌رپه‌ بووه‌ كه‌ خه‌ریك بووه‌ ژێر ئاو بكه‌وێت زانیارییان به‌ده‌ست گه‌یشتووه‌.

ئه‌وانیش ده‌ستبه‌جێ به‌له‌می چارۆكه‌داری جه‌نگییان ره‌وانه‌ی ناوچه‌كه‌ كردووه‌ و ده‌ست كراوه‌ به‌ كاره‌كانی گه‌ڕان و فریاكه‌وتن.

ناوچه‌كه‌ كه‌ ده‌كه‌وێته‌ سنووری گه‌ڕان و فریاكه‌وتنی توركیا وه‌ك "گۆڕه‌پانی گه‌ڕان و فریاكه‌وتن" ده‌ستنیشان كراوه‌، ده‌ریاوانان له‌مه‌ ئاگادار كراونه‌ته‌وه‌ و كه‌شتییه‌ بازرگانییه‌كانی ناوچه‌كه‌ بۆ گه‌ڕان و فریاكه‌وتن ته‌رخان كراون.

دوو كه‌شتییه‌ چارۆكه‌داره‌ جه‌نگییه‌كه‌ی هێزه‌ ده‌ریایییه‌كان و فڕۆكه‌یه‌كی ده‌ریایی وێڕای ناله‌باری كه‌شوهه‌وایش، به‌رده‌وامن له‌ كاره‌كانی گه‌ڕان و پشكنین.

وه‌زاره‌تی به‌رگری تیشك خراوه‌ته‌ سه‌ر ئه‌وه‌ی له‌ ئه‌نجامی كاره‌كانی گه‌ڕان و فریاكه‌وتندا تواندراوه‌ ٣٧ كۆچبه‌ر رزگار بكرێت و هه‌وڵه‌كانیش به‌رده‌وامن بۆ دۆزینه‌وه‌ی هه‌شت كۆچبه‌ره‌كه‌ی دیكه‌.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın