توركيا

كچێكی مۆڵدۆڤی بوو به‌ بووكی كوردان

- ئاهه‌نگی هاوسه‌رگیری كچێكی مۆڵدۆڤی، به‌ناوی ئالیۆنا زابریان وكوڕێكی كوردی توركیا، به‌ناوی ره‌مه‌زان ده‌نیز به‌ هه‌ڵپه‌ڕكێ و جلی كوردییه‌وه‌ دوو رۆژ له‌ شارۆچكه‌ی چوكورجا سەربە پارێزگای هه‌كاری به‌رده‌وام بوو.

Mehmet Dayan, Ramal Abdullah Mahmood  | 18.08.2019 - نوێکردنەوە : 19.08.2019
كچێكی مۆڵدۆڤی بوو به‌ بووكی كوردان

Hakkari

هه‌كاری – AA

ئاهه‌نگی هاوسه‌رگیری كچێكی مۆڵدۆڤی، به‌ناوی ئالیۆنا زابریان ته‌مه‌ن ٣٢ ساڵ و كوڕێكی كوردی توركیا، به‌ناوی ره‌مه‌زان ده‌نیز ته‌مه‌ن ٣٨ ساڵ كه‌ شه‌ش ساڵ له‌مه‌وبه‌ر له‌ نیویۆرك یه‌كتریان ناسیووه‌، به‌ هه‌ڵپه‌ڕكێ و جلی كوردییه‌وه‌ دوو رۆژ له‌ شارۆچكه‌ی چوكورجا سەربە پارێزگای هه‌كاری به‌رده‌وام بوو.

كه‌سوكاری بوكیش به‌شدارییان له‌و ئاهه‌نگه‌دا كرد كه‌ به‌گوتنی گۆرانی كوردی و توركییه‌وه‌ ئاماده‌بووان هه‌ڵپه‌ڕكێیان تیادا ده‌كرد.

ئه‌نجامدانی هه‌ڵپه‌ڕكێ و چالاكییه‌كانی ئاهه‌نگه‌كه‌ بووه‌ جێی سه‌رنجی "بووكه‌ بیانییه‌كه‌".

ئالیۆنا زابریان به‌ میدیاكانی راگه‌یاند كه‌ زۆر به‌گه‌رمی پێشوازی لێكراوه‌ و گوتی: "خه‌ڵكی ئێره‌ زۆر باشه‌. هه‌فته‌یه‌كه‌ لێره‌م به‌رده‌وام پێم ده‌ڵێن چیت پێویسته‌ بۆت بكه‌ین. كه‌سوكاری خۆشیم هێناوه‌ بۆ ئێره‌ تاكو به‌و كه‌شه‌ جیاوازه‌ ئاشنا بن. سوپاس بۆ هه‌موو لایه‌ك".

ره‌مه‌زان ده‌نیز-یش خۆشحاڵی خۆی به‌وه‌ ده‌ربڕی كه‌ له‌گه‌ڵ ئه‌و كه‌سه‌ چۆته‌ ناو ژیانی هاوسه‌رگیرییه‌وه‌ كه‌ خۆیشی ویستووه‌ و گوتی: "شه‌ش ساڵ له‌مه‌وبه‌ر له‌ نیویۆرك یه‌كترمان ناسی و بڕیاری هاوسه‌رگیریمان دا. پێشیم گوت ئاهه‌نگه‌كه‌مان به‌ شێوه‌ی كولتووری ده‌بێت".

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın