دیاربه‌کر.. به‌ چه‌ک هێرش کرایه‌ سه‌ر کچێک

دیاربه‌کر

 

له‌ شارۆچکه‌ی ئه‌رگانی سه‌ر به‌ پارێزگای دیاربه‌کر به‌هۆی به‌شداری کردنی له پێشبڕکێیه‌کی ده‌نگخۆشی له‌ یه‌کێک له‌ که‌ناڵه‌ میللیه‌کاندا، موتڵو کایا له‌ ماڵه‌که‌ی خۆیدا هێرشی کرایه‌ سه‌ر و به‌سەختی بریندار کرا.

ماڵه‌که‌ی کایا له‌ گه‌ڕه‌کی فاتیحی شارۆچکه‌که‌یه‌ و تا ئێستا ناسنامه‌ی ئەنجامدەر یان ئەنجامدەرانی تاوانەکە نه‌زانراوه‌، به‌ڵام موتڵو کایا گوازراوه‌ته‌وه‌ بۆ نه‌خۆشخانه‌ی حکومی لە ئه‌رگانی.

دواتر به‌هۆی سه‌ختی برینه‌که‌ و ‌ ترسناکی حاڵه‌ته‌که‌یه‌وه کایا به‌ره‌و نه‌خۆشخانه‌ی فێرکاری غازی یه‌شارگیل له‌ دیاربه‌کر ره‌وانه‌ کرا.

به‌مه‌به‌ستی ده‌ستگیرکردنی ئەنجامدەر یان ئەنجامدەرانی ئه‌و هێرشه‌ش لێکۆڵینه‌وه‌ ده‌ستی پێکردووه‌.