به‌فربارین له‌ ئه‌رزه‌ڕۆم، قه‌رس و ئه‌رده‌خان

ئەرزەڕۆم – AA

شەپۆلێکی بەفربارین ئەرزەڕۆم، قەرس و ئەردەخانی گرتووەتەوە.

ئەم بەفربارینەی لە دوێنێوە ئەرزەڕۆمی گرتووەتەوە، ناو شارەکە و بەرزایییەکانی سپیپۆش کردووە.

بەھۆی بەفربارینەکەوە ھیچ کێشەیەک لە ھاتوچۆی ئۆتۆمبێلەکاندا رووی نەداوە و تیمە پەیوەندیدارەکان ھەموو رێوشوێنێکی پێویستییان گرتووەتە بەر.

- ئەردەخان

ئەو بەفربارینەی ئەردەخانی گرتووەتەوە کاریگەریی نەرێنی کردووەتە سەر ژیانی ھاووڵاتییان.

بەھۆی بەفربارینەکەوە شۆفێران بە زەحمەت دەتوانن ھاتوچۆ بکەن.

بەفربارینەکە تەواوی شارەکەی گرتووەتەوە و کەڵەکەبوونی بەفر گەیشتووەتە ١٢ سانتیمەتر.

- قەرس

دوای دوو رۆژ لە بەفربارین بە شێوەی ناوبڕ، ئەمڕۆ بەفر شارەکەی سپیپۆش کردووە و کەڵەکەبوونی بەفر لە ناو شار گەیشتووەتە ١٠ سانتیمەتر.

تیمەکان بەردەوامن لە راماڵینی بەفری سەرشەقامەکان.

سپیپۆشینی شوێنەوارە مێژوویییەکان، ناوچەکەی سەرنجڕاکێشتر کردووە.