ئەردۆغان و ترەمپ پەیوەندییەکی تەلەفۆنیان ئەنجامدا

ئەنقەرە - AA

سەرکۆماری تورکیا رەجەب تەیب ئەردۆغان پەیوەندییەکی تەلەفۆنی لەگەڵ سەرۆکی ئەمریکا دۆناڵد ترەمپ ئەنجام دا.

بەپێی ئەو راگەیەندراوەی لە بەشی راگەیاندنی سەرۆکایەتی کۆماری تورکیا وەرگیراون، ئەردۆغان و ترەمپ ئەمڕۆ ئێوارە پەیوەندییەکی تەلەفۆنیان ئەنجامداوە.

لە پەیوەندییە تەلەفۆنییەکەی نێوان سەرکۆماری تورکیا و سەرۆکی ئەمریکا، پرسە ھاوبەشەکان و رووداوەکانی پەیوەندیدار بە سووریا، لەناویاندا پرسی منبج و ئیدلب تاوتوێ کرا.

ئەردۆغان و ترەمپ جەختیان لەوە کردەوە کە لە نزیکەوە لەبارەی پرسە ھاوبەشەکانی نێوان دوو لایەن و یان پرسە ناوچەییەکان لە پەیوەندی دادەبن.

ھەر لە پەیوەندییە تەلەفۆنییەکەدا، ئەردۆغان و ترەمپ، پێداگریان لەسەر پرسی ھاویشتنی ھەنگاوی پێویست لەمەڕ بەھێزکردنی پەیوەندییەکانی تورکیا و ئەمریکا کردەوە.

سەرکۆماری تورکیا، رەجەب تەیب ئەردۆغان لە میانی پەیوەندییە تەلەفۆنییەکەی لەگەڵ ترەمپ ئیدانەی ئەو ھێرشە چەکدارییەی کرد کە کرایە سەر پەرستشگایەکی جوولەکەکان لە ئەمریکا و سەرەخۆشی خۆی ئاراستەی خانەوادەی قوربانیان و گەلی ئەمریکا کرد.