ئەردۆغان: "لە عەفرین چوار ھەزار تیرۆریست لەچالاکی خراون"

دەنیزلی - AA

سەرکۆماری تورکیا و سەرۆکی گشتیی ئاک پارتی، رەجەب تەیب ئەردۆغان گوتی: "دوواین ئامار کە وەرمگرتووە لە عەفرین چوار ھەزار تیرۆریست لەچالاکی خراون. ئەوانەی ناوخۆ و دەرەوە و باکووری عێراق ناڵێم. ئەگەر ئەوانەشی بخەینە سەر ئەوا دەگاتە چوار ھەزار و ٢٠٠ بۆ چوار ھەزار و ٣٠٠".
سەرکۆماری تورکیا، رەجەب تەیب ئەردۆغان بەشداری لە ٦ەمین کۆنگرەی ئاسایشی پارتەکەی لە پارێزگای دەنیزلی کرد و تێدا وتارێکی پێشکەش کرد.

سەرکۆماری تورکیا و سەرۆکی گشتیی ئاک پارتی، رەجەب تەیب ئەردۆغان لەبارەی ئۆپەراسیۆنی عەفرین گوتی: "دوواین ئامار کە وەرمگرتووە لە عەفرین چوار ھەزار تیرۆریست لەچالاکی خراون. ئەوانەی ناوخۆ و دەرەوە و باکووری عێراق ناڵێم. ئەگەر ئەوانەشی بخەینە سەر ئەوا دەگاتە چوار ھەزار و ٢٠٠ بۆ چوار ھەزار و ٣٠٠".

ئەردۆغان باسی لەوەش کرد کە فەڕەنسا پێشوازی لە تیرۆریستان دەکات و گوتیشی: " فەڕەنسا، ھاوکاری تیرۆر دەکەیت، پشتیوانی دەکەیت و پاش ئەوە لە کۆشکی ئەلیزێ پێشوازی لە تیرۆریستان دەکەیت. ناتوانن حسابی ئەوانە بدەن، پاش ئەوە ناتوانن لە بەڵای ئەو تیرۆرە رزگارتان بێت. ئەوەتا دەبینن کە لە ئەڵمانیا تیرۆریستان چی دەکەن، وا نییە؟ لە فەڕەنساش ئەوە روو دەدات. خۆرئاوا بە بەخێوکردنی ئەو تیرۆریستانە لەناودەچن".

سەرکۆماری تورکیا و سەرۆکی گشتیی ئاک پارتی، رەجەب تەیب ئەردۆغان لەبارەی دەستگیرکردنی ئەندامانی رێکخراوی تیرۆریستی فەتۆ گوتی: "تا ٨٠ چەکداری فەتۆمان لە وڵاتانی جیاواز دۆزیوەتەوە و، ھێناومانەتەوە بۆ تورکیا، بەردەوام دەبین. بۆ کوێ ھەڵدێن با ھەڵبێن بەدوایانەوەین. ئەوان ھەڵدێن و ئێمە دەیانگرین. ھا فەتۆ ھا پەکەکە ھیچ جیاوازی نییە، ئێمە بە ھەموو شتێکمانەوە چووینەتە ئەو رێگایەوە و، سەرکەوتووش دەبین لەو کارەدا".

ئەردۆغان باسی لە سەرۆکی ئۆپۆزسیۆنی وڵاتەکەی کرد و گوتی: "ھۆکاری بەرزکردنەوەی ئاستی بێ رەوشتی لەلایەن سەرکردەی پارتی ئۆپۆزسیۆن، بەھۆی ئەوەیە کە چارەنووسی خۆی دەزانێت، چی کەسێتی و چی ئەو ھزرەی کە ئەو نوێنەرایەتی دەکات جێگایان لە داھاتووی تورکیادا نییە".

سەرکۆماری تورکیا و سەرۆکی گشتیی ئاک پارتی، رەجەب تەیب ئەردۆغان ھەر لە باسی سەرکردەی ئۆپۆزسیۆنی وڵاتەکەی گوتی: "عاقڵیەتی ئۆپۆزسیۆنی سەرەکی ئێستا کە لەم وڵاتەدا بەردێکی نەخستووەتە سەر بەرد بۆ ئەم گەلە، ھیچ پرۆژەیەکی نەھێناوە بۆ داھاتوومان، ئیدی لە کۆتایی تەمەنیدایە. ئەوانە بە کاسێت ھاتنە سەر دەسەڵات، لەوانەیە لەمەودوا بە سی دی لاچن و بڕۆن".