ئەنقەرە – AA
فڕۆکەی بێ فڕۆکەوانیی جۆری ANKA-3 کە بەهۆی "باڵە فڕیووەکان"ی تایبەتمەندییەکانی وەک مەودابینینی رادار، خێرایی بەرز، توانای هەڵگرتنی خێرا لەخۆ دەگرێت چووە فڕگە و ئامادەکاری دەکرێت بۆ ئەوەی یەکەم فڕینی ئەنجام بدات.
بۆ یەکەمجار دیمەنی ANKA-3 کە لەلایەن کۆمپانیای پیشەسازیی فڕۆکەوانیی بۆشایی ئاسمانیی تورکیاوە پێش خراوە، لەلایەن ئاژانسی ئانادۆڵوەوە تۆمار کرا.
بەڕێوەبەری ئەندازیاریی فڕۆکە بێ فڕۆکەوانەکان، بولەنت کۆرکەم بە پەیامنێری ئاژانسی ئانادۆڵوی راگەیاند، بەهۆی ئەوەی ANKA-3 بەشێوەیەک دروست کراوە کە پاشوویەکی درێژی نییە ژمارەیەک تایبەتمەندی جیاواز لەخۆی دەگرێت، گوتی: "توانای هەڵگرتنی باشی هەیە، تاکوو ٤٤ هەزار پێ بەرز دەبێتەوە و دەتوانێت لە ٤٠ هەزار پێدا ئەرکەکانی ئەنجام دەدات".
بولەنت کۆرکەم لەبارەی توانای ئەم جۆرە فڕۆکە بێ فڕۆکەوانە بۆ ئەنجامدانی هێرش، گوتی: "حەوت وێستگەی چەکی هەیە، یەکێکیان دەکەوێتە خوار ناوەڕاستی فڕۆکەکە، دووان دەکەونە ناوەوە و چواریش دەکەونە ژێر باڵەکانی".
ناوبراو سەرنجیشی خستە سەر جۆری نوێی شیمشەک کە دەکەوێتە ژێر باڵەکانی ئەم جۆرە فڕۆکەیە و ئاماژەی بەوە دا کە ئامانجی سەرەکی شیمشەک فڕۆکەیە و بە دوای ئەویشدا ئامانجە ساختەکان و ئەو چەک و تەقەمەنییانەن کە بۆ پەلاماردان بەکار دەهێندرێن.
