" تا ئەو کاتەی پێویست بکات هێزەکانمان لە باشیکە دەمێنننەوە"

جێگری سەرۆکوەزیرانی تورکیا نومان کوتوڵموش سەبارەت بە روونکردنەوەکەی سەرۆکوەزیرانی عێراق حەیدەر عەبادی، رایگەیاند: ''ئەگەر بەراستیی کۆمەڵگەی نێودەوڵەتیی و حکوومەتی ناوەندیی عێراق لەدژی داعش دەجەنگن، دەبووایە بەپەلەترین بابەتی رۆژڤ چەندین ساڵە رزگارکردنی مووسڵ بێت. تورکیا بۆ ئەو مەبەستە لەوێیە، بۆ ئەوەی پشتیوانیی دانیشتوانی مووسڵ بکات. بەڵام وەکو ئەوەی ئەمانە هیچ بوونیان نەبووبێت، هێنانە ئارای ئەم باسە ئەو گوتەیە دەهێنێتە بەرباس کە دەڵێ 'تەماشای ئەو کەسە مەکە کە قسە دەکات، تەماشای ئەوە بکە کە قسەکەی پێدەکات'. بەدڵنیاییەوە لەژێر کاریگەریی خەڵکانی دیکەدا و لەبەرئەوەی لەرووی سیاسییەوە ناتوانێت هیچ شتێک بڵێت، ئەم قسانە دەکات''.