سەرکۆماری تورکیا ئەردۆغان نامەی بۆ پوتین نارد

ئەنقەرە

گوتەبێژی سەرۆکایەتی کۆماری تورکیا ئیبراھیم کاڵن رایگەیاند کە سەرکۆماری تورکیا رەجەب تەیب ئەردۆغان نامەیەکی بۆ سەرۆکی رووسیا ڤلادمیر پوتین ناردووە.
کاڵن راشیگەیاند کە ئەردۆغان لە نامەکەدا دڵگرانی خۆی بەرامبەر خستنەخوارەوەی فڕۆکە رووسییەکە نیشانداوە و گوتوویەتی: "دەمەوێ دووبارە ھاوخەمی خۆم بۆ خانەوادەی ئەو فڕۆکەوانانە دەردەبڕم کە گیانیان لەدەستداوە. سەرەخۆشی خۆم ئاراستەیان دەکەم".
گوتەبێژی سەرۆکایەتی کۆماری تورکیا ئیبراھیم کاڵن راشیگەیاند کە لەبارەی بەھێزکردنی پەیوەندییەکانی تورکیا و رووسیا و ھەنگاونانی پێویست لەمبارەیەوە رێککەوتوون.