راگەیاندنی ماتەمینی سەرتاسەری لە فەڵەستین

رامەڵڵا - AA

ئەمڕۆ ھاووڵاتیانی فەڵەستینی بەشداریان لە "رێپێوانی گەڕانەوەی گەورە" لە کەرتی غەززە کرد و، لە بەرامبەر ئەمەش سوپای ئیسرائیل ١٥ ھاووڵاتی فەڵەستینی شەھید کرد و بەم ھۆیەوەش بەیانی ماتەمینی سەرتاسەری لە فەڵەستین راگەیەنرا.

بەپێی ھەواڵێکی ئاژانسی ھەواڵی وەفای فەڵەستینی، سەرۆکی دەوڵەتی فەڵەستین، مەحموود عەباس، بۆ شەھیدان و بریندارەکانی ئەمڕۆی فەڵەستین بڕیاریداوە بەیانی ماتەمینی سەرتاسەری رابگەیەندرێ.

لەلایەکی دیکەوه‌، حکوومەتی فەڵەستین لە نووسراوێکدا ئیدانەی بەکارھێنانی ھێزی لە رادەبەری لەلایەن سوپای ئیسرائیل بەرامبەر خۆپیشاندەرانی ئەمڕۆی فەڵەستینی کرد، ھاوکات داوای لە کۆمەڵگەی نێودەوڵەتیش کرد، بەپەلە بێنە سەر خەت بۆ راگرتنی رژانی خوێنی فەڵەستینییەکان.

ئەمڕۆ ھاووڵاتیانی فەڵەستینی بەشداریان لە "رێپێوانی گەڕانەوەی گەورە" لە کەرتی غەززە کرد و، لە بەرامبەر ئەمەش سوپای ئیسرائیل چەند ھاووڵاتییەکی فەڵەستینی شەھید کرد.

ئیسرائیل لە ٣٠ی ئاداری ساڵی ١٩٧٩ ھەزاران دۆنمی لە ناوچەی جەلیلەی باکووری ئەو وڵاتە داگیرکردووە و، بەم ھۆیەوەشەوە گەلی فەڵەستین بەمەبەستی پرۆتێستۆکردنی ئەو کارە رژانە سەر شەقامەکان.

لە بەرامبەر ئەوەدا پۆلیسی ئیسرائیل شەش ھاووڵاتی فەڵەستینی شەھید کرد و، ھەزاران کەسی بریندار کرد، لەبەرئەوە ئەم رۆژە ناوی رۆژی خاکی لێنرا و بووە سمبولی خەباتی گەلی فەڵەستین لە بەرامبەر داگیرکاری ئیسرائیل.