ئۆپەراسیۆنی سوپای سووریای ئازاد بۆ سەر چەتەکان

عەزاز - AA

لە چوارچێوەی ئۆپەراسیۆنی سوپای سووریای ئازاد بۆ سەر چەتەکان لە شارۆچکەی عەزازی باکووری سووریا، زیاتر لە ٤٠ کەس دەستگیر کران.

بەمەبەستی دەستگیرکردنی سەردەستە و ئەندامانی ئەو چەتانەی کە لە تاوانەکانی دزیکردن و بازرگانیکردن بە ماددەی ھۆشبەر تێوەگڵاون، سوپای سووریای ئازاد ئۆپەراسیۆنێکی لە ناوەندی شارۆچکەی عەزاز و ناوچەکانی ئیحتیمالات، ماری، سۆران و ئەختارینی سەر بە ناوەندی ئەو شارۆچکەیە ئەنجامدا.

ئۆپەراسیۆنەکە بەیانی ئەمڕۆ لەلایەن سوپای سووریای ئازاد دەستیپێکرد و ئەو بارەگایانەی کە لەلایەن ئەو چەتانە بەکاردەھێنرا، کۆنتڕۆڵکرا و دەستیشگیرا بەسەر چەندین پارچە چەکی سەر بەو چەتانە.

ئەمانەی خوارەوە ناوی ژمارەیەک سەردەستەی ئەو چەتانەن کە دەستگیر کراون:

حەمادە، عەبود ئەلنەمس، محەمەد ئەلنەمس، ئەحمەد شووەیتییە، ئەبو عەبدولمالیک، یەحیا کەدرۆ، محەمەد عادل ئەلنەسان، ئەنەس ئەلیوسف، خالد عادل و ناوی چەندین سەردەستەی دیکە.

لە چەند رۆژێکی رابردووش، سوپای سووریای ئازاد لە ناوچەکانی عەفرین، باب، جەرابلوس و چۆبانبێی ئۆپەراسیۆنی لە دژی چەندین چەتەی ناوچەکە ئەنجامدابوو.