"مانگی رابردوو 190 هه‌زار گه‌شتیار به‌هێڵی ئاسمانیی عێراق گه‌شتیان كردووه‌"

هه‌ولێر - AA

به‌ڕێوه‌به‌ری گشتی كۆمپانیای هێڵی ئاسمانیی عێراق، میران فه‌رید رایگه‌یاند کە له‌ چه‌ند مانگی رابردوو ژماره‌ی گه‌شتیاران به‌فڕۆكه‌كانی ئه‌وان زیادییانكردووه‌ و گوتی: "له‌ میانی مانگی رابردوودا، 190 هه‌زار و 40 كه‌س گه‌شتییان به‌فڕۆكه‌كانی هێله‌كه‌مان كردووه‌".

میران فه‌رید لە لیدوانێکیدا گوتی: "زیادبوونێكی ئاشكرا له‌ تێكڕای گه‌شته‌كان هه‌یه‌ كه‌ گوێزه‌ره‌وه‌ی نیشتمانی تۆماریكردووه‌ له‌ سه‌رجه‌م كه‌رته‌كاندا، ئه‌و ژمارانه‌ ده‌ریده‌خه‌ن له‌ میانی مانگی رابردوودا، 190 هه‌زار و 40 كه‌س گه‌شتییان به‌فڕۆكه‌كانی هێله‌كه‌مان كردووه‌".
میران فه‌رید هه‌روه‌ها هێمای بۆ ئه‌وه‌شكردووه‌ "ئه‌و زیاده‌یه‌ له‌ گه‌شتیاران به‌ هۆی ئه‌و خزمه‌تگوزارییانه‌وه‌ دێت كه‌ هێله‌كه‌یان پێشكه‌شی گه‌شتیارانی ده‌كات و نوێكردنه‌وه‌ی هێڵه‌كه‌ و فڕۆكه‌كانی به‌ شێوه‌یه‌كی به‌رده‌وام".

میران فه‌رید هه‌روه‌ها ئاماژه‌ی بۆ ئه‌وه‌شكردووه‌ كه‌ گوێزه‌ره‌وه‌ی نیشتمانیی عێراق ئێستا ژماره‌یه‌كی زۆر له‌ فڕۆكه‌ی پێشكه‌وتووی نوێی هه‌یه‌ و كاره‌كانی بۆ گرتنی پێش وه‌خته‌ی كورسییه‌كان و خزمه‌تگوزارییه‌كانی به‌رده‌وامی ناو فڕۆكه‌كان و زیادكردنی نووسینگه‌كان له‌ سه‌رجه‌م پارێزگاكان وایكردووه‌ ژماره‌ی گه‌شتیاران روو له‌ زیادبوون بكه‌ن.