Serokomar Erdogan bersiv da peyama Serokê Amerîkayê Bîden

Serokê Amerîkayê Joe Bîden li ser hesabê xwe yê Twîtterê der barê Civîna NATOyê da ji bo Serokomar Recep Tayyîp Erdogan peyameke spasiyê weşandibû û Erdogan jî bi peyameke spasiyê bersiv da wî.

Erdogan di peyama xwe da got wek Tirkiye ew ê her car bi dilsozî û hişmendiya berpirsyariyê piştgiriyê bidin berfirehbûna NATOyê û xurtbûna tifaqê.

Serokomar Erdogan got yekîtiya NATOyê wê têkoşîna dijî terorê, têkiliyên di navbera mitefîqan da, avakirina aştiya herêmî û kurewî di serî da ji bo gelek mijaran hewleke mezin bide.

Erdogan wiha dewam kir: "Heke balê bidin ser fikarên Tirkiyeyê yên ji bo ewlehiya meşrû, gavên herêmî û kurewî yên li gor berjewendiyan bên avêtin em ê vê tevgera xwe biparêzin. Ez ji bo piştgiriya we ya şexsî ya der barê tifaqê da, hêvî û daxwaziyên we û pesnên we spas dikim Birêz Serok."

Serokê Amerîkayê Joe Bîden li ser hesabê xwe yê Twîtterê der barê Civîna NATOyê da peyamek weşandibû û spasiya Erdogan kiribû. Bîden di peyama xwe da wiha gotibû: "Duh Tirkiyeyê di mijara qebûlkirina NATOyê ya Swêdê da peymaneke dîrokî mohr kir. Serokomar Erdogan; ji bo cesaret, pêşengî û dîplomasiya we, em spas dikin."