Serkomar Erdogan gihîşt Çînê

PEKÎN

Serkomar Recep Tayyip Erdogan bi mebesta beşdarîkirina "Korbenda Kember û Rê ji bo Hevkariya Nêvneteweyî" û hevdîtina digel Serokê Çînê Şî Cinping gihîşt Pekîna paytextê Komara Gel a Çînê.

Serkomar Erdogan bi balafira taybet "CAN"ê bi seata Tirkiyeyê seat 19.40î de gihîşt Balafirgeha Nêvneteweyî ya Pekînê û ji aliyê Balyozê Tirkiyeyê yê li Pekînê Ali Murat Ersoy û Balyozê Çînê yê li Enqereyê Yu Hongyang û rayedarên din ve hat pêşwazîkirin.

Herwiha digel Serkomarê Tirkiyeyê hevjîna wî Emîne Erdogan, Alîkarê Serokwezîr Tugrul Turkeş, Wezîrê Dadê Bekir Bozdag, Wezîrê Derveyî Mevlut Çavuşoglu, Wezîrê Aboriyê Nîhat Zeybekçî, Wezîrê Wize û Çavkaniyên Siruştî Berat Albayrak, Wezîrê Veguhastin, Deryavanî û Ragihandinê Ahmet Arslan gihîştin Çînê.

- Erdogan wê bi Serokê Çînê Şî Cinping re bicive

Erdogan li Pekînê wê beşdarî "Korbenda Kember û Rê ji bo Hevkariya Nêvneteweyî" ku biryar e 14-15ê gulanê bê lidarxistin, bibe û bi Serokê Çînê Şî Cinping re bicive.

Tê çaverêkirin ku Sekreterê Giştiyê Neteweyên Yekbûyî Antonio Guterres, Serokê Banka Cîhanî Kim Yong Jim û Seroka Sindoqa Diravan a Nêvneteweyî Christine Lagarde û 28 serokê hikûmet û dewletan zêdetirê 250 wezîr beşdarî korbenda navbuhirî bibin.