Haydar Şahin
22 Cotmeh 2020•Rojanekirin: 22 Cotmeh 2020
Markar Esayanê Parlamenterê AK Partiyê yê li nexweşxaneya lê dihat dermankirin di 51 saliya xwe da mir bi merasima ku Serokomar Recep Tayyîp Erdogan û Serokê Meclisê Mustafa Şentop beşdar bûnê va hat oxirkirin.
Alaya Tirkiyeyê li tabuta Markar Esayanê rojnamevan-siyasetmedar ê demeke ji ber mîdeyê xwe li nexweşxaneyê dihat dermankirin û li heman nexweşxaneyê mir alandin û anîn Dêra Patrikiyê ya Meryem Anayê ya li Qumqapiyê. Ji Esayan merasima dînî hat lidarxitin û piştî dengê çanê dia hat kirin.
Di merasimê da lijneya ruhanî ya Sahak Maşalyanê Patrîkê 85an ê Ermeniyên Tirkiyeyê û Tatul Anuşyanê Serkeşe pêşîkêşiyê dikin cî girt û Aram Ateşyanê Serpsîkopos merasim bi rêva bir.
Merasima cinaze
Serokomarê Tirkiyeyê Recep Tayyîp Erdogan, Mustafa Şentopê Serokê Meclisê, Suleyman Soyluyê Wezîrê Karên Navxweyî, Abdulhamît Gulê Wezîrê Edaletê, Fahrettîn Kocayê Wezîrê Tenduristiyê, Mehmet Nurî Ersoyê Wezîrê Çand û Turîzmê, Fahrettîn Altunê Serokê Ragihandinê, Îbrahîm Kalinê Berdevkê Serokomariyê, Alî Yerlîkayayê Waliyê Stenbolê, Numan Kurtulmuşê Cigîrserokê Giştî yê AK Partiyê, Mahîr Unalê Alîkarê Serokê Giştî yê AK Partiyê, Zafer Aktaşê Midûrê Ewlekariya Stenbolê, Bayram Şenocakê Serokê Stenbolê yê AK Partiyê, Bedros Şîrînogluyê Serokê Lijneya Rêveberiyê ya Surp Pirgîça Nexweşxaneya Ermeniyan û Nergis Erdik, Arşaluys Agopyan, Nadya Eseyan, Hilda Hamamciyana xwengên Esayan û Sîma Eseyana xwîşka wî beşdarî merasimê bûn.
Cinazeyê Esayan piştî merasimê ji bo definkirinê birin Goristana Ermeniyan a Şîşliyê.