NOVAKŞOT
Serokomar Recep Tayyîp Erdogan bi "CAN"a balafira taybet, bi saeta Tirkiyeyê di 17.50yan de hat Novakşota paytextê Morîtanyayê.
Serokomar Erdogan di çarçoveya geşta Afrîkayê de têkiliyên xwe yên li Cezaîrê temam kir derbasî Morîtanyayê bû.
Erdogan li Balafirgeha Novakşotê ji aliyê Serokomarê Morîtanyayê Mihemed Weled Ebdûlezîz ve bi merasima fermî hat pêşwazîkirin.
Serokomar Erdogan û Ebdûlezîz li qada merasimê cihê xwe sitandin û sirûdên neteweyî yên her du welatan hat lêxistin. Erdogan û Ebdûlezîz kitaya merasimê kontrol kirin û pişt re heyetan teqdîmê hev kirin.
Di pêşwazîkirinê de Sekreterê Giştî yê Serokomariyê û Wezîr Şêx Saîd Mihemed, Wezîrê Karên Derve û Arîkariyê Islîko Welîd Ehmed Îzîd Bîh, Wezîrê Neft û Vejenê Mihemed Welîd Ebdulfettah, Wezîra Bazirganî, Pîşesazî û Tûrîzmê Ennahe Bînt Mîknas, Wezîra Çandiniyê Lemîne Bînt Alkatap Welîd Umem, Midûrê Qelema Taybet ê Serokomariyê Ehmed Welîd Bahiye, Balyoz Mihemed Ehmed Welîd Mihemed Alemîn, Rayedarê Serokomariyê Mihemed Welîd Ettalîb, Şêwirmendê Serokomariyê Teyam Cembar û Şêwirmendê Serokomariyê Ebdûlfettah Mihemed Alemane jî amade bûn.
Bi Erdogan re xanima w, Emîne Erdogan, Wezîrê Karên Derve Mevlut Çavuşoglu, Wezîrê Çand û Tûrîzmê Numan Kurtulmuş, Wezîrê Gumrik û Bazirganiyê Bulent Tufenkcî, Wezîrê Xurek, Çandinî û Ajalvaniyê Ahmet Eşref Fakibaba û Wezîrê Vejen û Çavkaniyên Siruştî Berat Albayrak û Berdevkê Serokomariyê Îbrahîm Kalin jî hatin Morîtanyayê.
Ji ber ziyareta Serokomar Erdogan hemû kolanên Novakşotê bi alayên Tirkiye û Morîtanyayê hatin xemilandin.
- Ziyareta fermî ya ewilîn a ku di asta "serokomariyê" de tê kirin
Ziyareta Morîtanyayê ya Serokomar Erdogan ziyareta fermî ya ewil a ji Tirkiyey ya ji bo Morîtanyayê ya di asta "serokomariyê" deye.
Erdogan cara ewil bi wesfê "serokomar" hat Morîtanyayê û di çarçoveya ziyaretê de bi hemtayê xwe Mihemed Weled Ebdûlezîz re dê hevdîtinê bike.
