Kêfxweşiya tapoyê ya Suryaniyan
Serokê Weqfa Keşîşxaneya Deyrulumur Mor Gabrielê ya Suryaniyan a Mîdyadê Kuryakos Ergun ragihand ku tapoyên keşîşxane, dêr û goristana Suryaniyan dewrî weqfa wan kirine.
Mardin
MARDÎN
Serokê Weqfa Keşîşxaneya Deyrulumur Mor Gabrielê ya Suryaniyan a Mîdyadê Kuryakos Ergun ragihand ku tapiyên keşîşxane, dêr û goristana Suryaniyan dewrî weqfa wan kirine û diyar kir, ev verastkirina ku îxtilafa xwedîtiyê ya 50 mal û milkan çareser dike, pir girîng e.
Ergun daxuyanî da û got ku piştî ku Mêrdîn di 2014an bû bajarê mezin, pirsgirêk derketin û ji ber ku dêr, keşîşxane û goristan li ser gund qeydkirî bûn, dewrî Xezîneyê kirin.
Ergun bi bîr xist ku paşê ev der ji Serokatiya Karên Diyanetê ra hat texsîskirin û piştî îtirazên wan tapî dewrî Midûriya Giştî ya Weqfan kirin, paşê jî bi pesendkirina Serokomar Recep Tayyîp Erdogan va seba çareserkirina pirsgirêkê verastkirina qanûnî hat kirin, li Meclisê hat qebûlkirin û di 27ê adara 2018an da jî di Rojnameya Fermî da hat weşandin.
Ergun wiha got:
"Îro piştî kar û bar tapiyên keşîşxane, dêr û goristana Suryaniyan dewrî weqfa me kirin. Ev verastkirina ku îxtilafa xwedîtiyê ya 50 mal û milkan çareser dike, pir girîng e. Her çend seba eraziyan pirsgirêkên me dewam bikin jî bê guman ev verastkirina ku îxtilafa xwedîtiyê ya 50 mal û milkên weqfa me çareser dike, pir girîng e. Di çareserkirina pirsgirêka me da Serokomarê me di serî da em spasdarê helwesta dewleta me ne."
