Serokomar Erdogan ji Erebistana Siûdî bi rê ket

Serokomar Recep Tayyîp Erdogan ji Erebistana Siûdî piştî serdaneke rojane bi rê ket.

Serokomar Erdogan ku di çarçoveya serdana xwe da li Mekkeyê bi Mîrê Welîehd yê Erebistana Siûdî Mihemed bîn Selman ra hevdîtin kir û beşdarî merasima îmzekirina "Peymana Parastina Hevpar ya Mekkeyê" ya di navbera Tirkiye, Erebistana Siûdî û Pakistanê da bû, piştra bi rêya bejayî çû Cideyê.

Erdogan û şandeya pê ra ku gihîştin Balafirgeha Navneteweyî ya Qral Ebdulezîz, piştra bi balafireke taybet bi rê ket.

Erdogan ji aliyê Alîkarê Mîrê Herêma Mekkeyê Mîşal bîn Ebdulezîz Al Saud, Balyozê Riyadê yê Tirkiyeyê Emrullah Îşler û Mustafa Unalê Serkonsolosê Cideyê va hat verêkirin.