Lêgerîna li muretebatê keştiya li peravên Sîlîvriyê binav bû, di roja 8em da berdewan e

Li peravên Sîlîvriyê, xebatên lêgerîn û xilaskirinê yên ji bo 10 personelê wenda yê keştiya bi navê "Tugberk Îmamoglu" ku piştî lihevketina bi keştiya "Alsu" ra binav bû, di roja 8em da berdewam dikin.

Piştî ku li Deryaya Marmarayê li peravên Sîlîvriyê di 2yê Îlonê da keştiyên bi navên "Alsu" û "Tugberk Îmamoglu" li hev ketin û keştiya "Tugberk Îmamoglu" binav bû, ji bo gihîştina personelê keştiyê, xebatên berfireh ên lêgerîn û xilaskirinê yên ku ji hêla Fermandariya Ewlekariya Peravan, Rêveberiya Giştî ya Ewlekariya Qeraxan û hêzên Hêzên Deryayî hatin destpêkirin, bê navber didomin.

Xizmên wendayan ku li navenda krîzê ya li peravê Sîlîvriyê bi koordînasyona qaymeqamtî û AFADê hat avakirin kom bûne, 8 roj in ji rayedaran li benda xebereke xêrê ne. Pêdiviyên malbatan ên li qadê ji hêla tîmên Heyva Sor a Tirk û AFADê tên dabînkirin.

Di qezayê da ya ku nêzî 18 mîlan li deryayê rû da, keştiya bazirganiyê ya bi navê "Alsu" ku ji Kocaeliyê diçû Alîagayê û keştiya bi navê "Tugberk Îmamoglu" ku ji Bendera Îskenderûnê ber bi Eregliya Behra Reş diçû, li hev ketibûn û piştî qezayê keştiya "Tugberk Îmamoglu" binav bûbû.

Di roja 4em a qezayê da bi piştgiriya pergalên sonar ên pêşketî û wesayîta binê avê ya bi kontrola ji dûr va (ROV) ya keştiya rizgarkirinê TCG Akin a Fermandariya Hêzên Deryayî, cihê kavilê keştiyê hatibû tespîtkirin û fealiyetên noqîn û lêgerînê li vê herêmê hatibûn zêdekirin.

Xebatên lêgerînê yên tîman ên li qada qezayê, ji deryayê û hewa da bi awayekî kordînekirî didomin.