Li tevahiya welêt germahî wê ji roja çarşemê pê va zêde bibe

Li tevahiya welêt germahî wê ji roja çarşemê pê va zêde bibe.

Pisporê Texmînkirina Hewayê ya Midûriyeta Giştî ya Meteorolojiyê ya Wezareta Hawîrdor, Bajarvanî û Guherîna Avûhewayê Cengîz Çelîk der barê rewşa hewayê ya ku vê hefteyê li tevahiya welêt tê texmînkirin da agahî da nûçegihanê AAyê.

Çelîk daxuyand ku hewaya sar û baran wê ji nava hefteyê pê va vekişe rojhilatê û paşê jî wê terka welêt bike.

Çelîk diyar kir ku sibê ji bilî peravên rojavayê Marmarayê û bakurê Egeyê baran wê bandorê li tevahiya welêt bike.

Çelîk got baran wê li hin deverên rojhilatê Marmarayê, rojavayê Behra Reş, navîna Egeyê û rojhilatê Behra Spî, bi şiklê barana gur û tavî bibare û roja sêşem û çarşemê jî wê li herêmên rojhilat dewam bike.

Çelîk anî ziman li rojhilatê Anadoluya Navîn, Behra Reş a Navîn û Rojhilat, û Rojhilat û Başûrê Rojhilatê Anadoluyê du rojan baran nayê hêvîkirin, hewaya sar û baran wê ji roja pêncşemê pê va terka Tirkiyeyê bike.

Çelîk bal kişand ku germahiya hewayê bi taybetî li herêmên rojava û navîn li gor demsalê kêm e û ji nava hefteyê pê va wê zêde bibe û bigîhêje asta demsalê, heta wisa ku li hin cihan wê li gor demsalê zêdetir be jî.