Berî Zîrweya NATOyê li Enqereyê amadekarî berdewam in

Berî Zîrweya NATOyê ku dê li paytext Enqereyê bê lidarxistin, di guzergeha protokolê da xebatên amadekariyê berdewam in.

Di guzergeha dikeve navbera Kuliyeya Serokomariyê û Balafirgeha Esenbogayê û her wiha Bulwara Turgut Ozal verastkirinên dîtbarî tên kirin.

Li hin cihên Bulwara Turgut Ozalê têkildarî Zîrweya NATOyê, billboardên bi diruşmên "Mifteya Aştiyê", "Mifteya Ewlehiyê" û "Paşeroja Hevbeş di Aştiyê da" hatin daliqandin.

Her wiha billboardên nasandina COP31 Konferansa Veguherîna Avûhewayê ya Neteweyên Yekbûyî ku dê bi mazûvaniya Tirkiyeyê bê lidarxistin û pergalên ji hêla pîşesaziya parastinê ya Tirkiyeyê dahênandî, li hin cihên li ser bulwarê hatin bicihkirin.

Di billboardan da dîmenên berhemên pîşesaziya parastinê ya xwemalî û neteweyî yên wekî TCG Anadolu, Tayfun û HURJET hatin emilandin.