Serokomar Recep Tayyîp Erdogan ji bo ziyareta fermî çû Kuweytê.

Serokomar Erdogan bi balafira "TRK"yê serê sibehê di 09.30î da ji Balafirgeha Ataturkê çû Kuweytê.

Waliyê Stenbolê Davut Gul, Serokê Bajarê Stenbolê yê AK Partiyê Abdullah Ozdemir û rayedarên din Erdogan li balafirgehê bi rê kir.

Emîne Erdogana jina Serokomar Erdogan, Wezîrê Karên Derva Hakan Fîdan, Wezîrê Vejen û Çavkaniyên Siruştî Alparslan Bayraktar, Wezîrê Xezîne ê Maliyeyê Mehmet Şîmşek, Wezîrê Parastina Neteweyî Yaşar Guler, Wezîrê Sanayî û Teknolojiyê Mehmet Fatîh Kacir, Wezîrê Bazirganiyê Omer Bolat, Alîkarê Serokê Giştî yê AK Partiyê û Berdevkê Partiyê Omer Çelîk, Alîkarê Serokê Giştî yê AK Partiyê û Serokê Polîtîkayên Tenduristiyê Halît Yerebakan, Cîgirseroka Koma AK Partiyê Ozlem Zengîn, Serokê Teşkîlata Îstixbaratê ya Neteweyî (MÎT) Îbrahîm Kalin, Serokê Ragihandina Serokomariyê Burhanettîn Duran, Serokê Sanayiya Parastinê ya Serokomariyê Haluk Gorgun û Serşêwirmendê Serokomar ê Polîtîkaya Dereke û Ewlehiyê Akîf Çagatay Kiliç jî bi Serokomar Erdogan ra çûn Kuweytê.

Di çarçoveya ziyaretê da tê payîn ku Erdogan bi Mîrê Kuweytê Şêx Meşal El Ehmed El Cabir El Sabah ra yek bi yek û bi heyetî hevdîtinê bike û beşdarî merasima peymanan bibe.