Kaan Bozdoğan
20 Tebax 2023•Rojanekirin: 20 Tebax 2023
Serokomarê Tirkiyeyê Recep Tayyîp Erdogan li ser vexwendina Serokwezîrê Macaristanê Vîktor Orban bi balafira "TUR"ê hat Budapêşteya paytext.
Li Balafirgeha Navneteweyî ya Budapeşte Ferenc Lisztê Wezîrê Dewletê yê Berpirsê Karên Ewropayê yê Macaristanê Janos Boka, Midûra Giştî yê Protokolê Anett Varga, Balyozê Enqereyê yê Macaristanê Viktor Matis û Balyoza Budapeşteyê ya Tirkiyeyê Gulşen Karanîs Ekşîogluyê Serokomar Erdogan pêşwazî kir.
Wezîrê Karên Derva Hakan Fîdan, Wezîrê Vejen û Çavkaniyên Siruştî Alparslan Bayraktar, Wezîrê Werziş û Ciwaniyê Osman Aşkin Bak, Wezîrê Pîşesazî û Teknolojiyê Mehmet Fatîh Kacir, Wezîrê Bazirganiyê Omer Polat, Serokê Ragihandina Serokomariyê Fahrettîn Altun, Serşêwirmendê Serokomariyê Balyoz Akif Çagatay Kiliç û hin rayedar jî bi Serokomar Erdogan ra hatin Budapeşteyê.
Erdogan ji bo hevdîtina yek bi yek ji balafirgehê bi rê ket ku biçe Manastira Karmelîtayê ya ku ofîsa xebatê ya Serokwezîrê Macaristanê Viktor Orban lê ye.
Tê payîn ku Serokomar Erdogan û heyeta pê ra di çarçoveya ziyaretê da wê bi aliyê Macar ra hevdîtinan bikin, ji her alî va li ser têkiliyên du alî bisekinin, der heqê geşedanên herêmî û kurewî da wê fikrên xwe ji hev ra bêjin.
Erdogan wê beşdarî pîrozbahiyên Roja Rîzgariyê ya Dewleta Macaristanê û hin çalakiyên Şampiyoniya Atletîzmê ya Dinyayê bibe. Her wiha tê payîn ku Serokomar Erdogan beşdarî pîrozbahî û çalakiyan bibe, hin hevdîtinên fermî bike.