Li Erzirom û derdora wê sir û seqem

Li Erzirom, Erdexan, Qers û Erzincanê sir û seqem bandora xwe didomîne.

Li Erziroma ku germahiya hewayê di binê sifirê da 22 pile hat pîvan, ji serbana şembelîlkan xwe berda xwarê.

Li bajêr camên wesayitan û şadirvanan qeşa girt, hinek ajovanan ji bo ji sermayê parastinê otomobîlên xwe bi betanî û bi brandeyan nixumandin.

Li hinek xalên bajêr mij û moran bi bandor bû, li ser rê û peyarêyan qeşa çêbû.

Xwendakarên ku sibehê diçûn dibistanên xwe û welatiyên ku diçûn kar zehmetî kişandin.

- Erdexan

Li Erdexanê bi şev termomêtreyan di binê sifirê da 14 pile nîşan dan.

Li ser rûberê Rûbarê Qurayê tebeqeyeke qeşayê çêbû.

Li navçeya Goleyê ku bi şev germahiya hewayê bi qasî 22 pileyan daket binê sifirê qiraviyê li dar û beran girt.

- Agirî

Li Agiriyê tevî sermayê mij û moran bi bandor bû.

Ji ber mijê mesafeya dîtinê gelekî kêm bû û ajovanan zehmetî kişand.

Li bajêrê ku germahiya hewayê di binê sifirê da weke 7 pileyan hat pîvan, camên xanî, kargeh û wesayitan qeşa girt.

- Qers

Li Qersê termomêtreyan bi şev di binê sifirê da 12 pile nîşan da.

Ji ber hewaya qiraviyê li dar û beran xist, cih bi cih jî mij çêbû.

Li navçeya Sariqamîşê Çemê Acisuyê û şelaleyên derdorê bi temamî qerisîn.

Welatiyan ji bo parastina otomobîlên xwe ji sermayê, ew bi betanî û bi brandeyan nixumandin.

Li çolwarên navçeyê li ser berfê dîmenên roviyên sor yên ku li xwarinê digeriyan hatin kişandin.

- Erzincan

Li Erzincanê hewaya sar bandoreke nehênî li jiyana rojane kir.

Li navçeya Otlukbeliyê germahiya hewayê bi şev bi wasî 23 pileyan daket binê sifirê.

Xwendakarên ku serê sibehê diçûn dibistanê û welatiyên ku diçûn kar zehmetî kişandin.