Li Erzirom, Qers û Erdexanê sir û serma, mij û qiraviyê tesîra xwe nîşan da.

Li Erziromê barana ku bi şev bi navber bariya, ber destê sibehê vegerand sermayê.

Li parêzgeha ku bi şev germahiya hewayê di bin sifirê da 3 pile hat pîvan, li ser peyarêyan qerm çêbû.

Her wiha ji ber mijê wesayît di rêyan da bi zehmetî çûn.

- Qers

Di rêbejaya Qers-Erziromê da ji ber mijê mesafeya dîtinê daket heya 10 metreyan û ajokaran zehmetî kişand.

Li navçeya Sariqamîşê jî serma û qiraviyê tesîra xwe nîşan da.

Li navçeya ku bi şev germahiya hewayê di bin sifirê da daket 4 pileyan, camên wesayîtan û her wiha dar û nebatan qiravî girt.

Bi tesîra sermayê ra, di Çemê Acisuyê da golên piçûk qerimîn.

Heywandarên pez û dewar xwedî dikin, li meraya qiravîgirtî hewl dan heywanên xwe biçêrînin.

Her wiha li herêmê dîmenên sîmoreyên gevez û çivîkan ên li tiştekî xwarinê digeriyan, hatin kişandin.

- Erdexan

Li Erdexanê serma û mij tesîreke neyînî li jiyanê dike.

Li bajarê ku bi şev germahiya hewayê di bin sifirê da daket heya 8 pileyan, erd qerimî û dar û nebatan qiravî girt.

Bi tesîra seqemê li navenda bajêr ji ber mijê mesafeya dîtinê daket.

Mijê li herêma Çemê Kûrayê tesîra xwe zêdetir kir.