Di roja ewil a mihrîcana ku dê li qada li ba Şaredariya Bingolê 2 rojan dewam bike da hunermend Latîf Dogan, Aynur Polat, Kadîr Îpek û Erkam Aydar derketin ser dikê.
Li qada mihrîcanê ji bo zarokan qadên lîstikan hatin avakirin û çalakiyên ji bo çand û zimanê Zazakî hatin lidarxistin.
Walî Cahît Çelîk di mihrîcanê da axivî û got girîng e ku zimanê Zazakî ya ku hafizeya civakekî û mîrateya çandî dihewîne bigihînin zarokan û ciwanan.
Çelîk diyar kir ku Zazakî digel jiyana rojane divê di perwerde, wêje, huner û alema dijîtaal da jî bijî û wiha axivî:
"Zazakî divê li malê bê axaftin, ragihînin zarokan, di perwerde, wêje, huner û dijîtalê da jî bijî. Em divê teşwîq bikin ku zarok û ciwanên me Zazakî biaxivin, hîn bibin û binivîsin. Gelekî biqîmet e ku Wezareta me ya Perwerdeya Neteweyî Zazakî wekî dersê hilbijartî pêşkêşî tercîha xwendekarên me dike û materyalên perwerdeya Zazakî gelekî girîng e ku zimanê me bigihêje nifşên ciwan. Tirkiye seranserê dîrokî da bû erdnîgariya şaristaniyên dewlemend ên u çandî kevneşopî û zimanên cihê bi hev ra dijîn.Tirkî zimanê me yê hevpar û fermî, bingeha yekîtî û ragihandina hevpar a gelê me ye, di serî da Zazakî daneheva ku ziman û çandên me yên ji hev cihê anîn ziman jî parçeyeke girîng ên dewlemendiya hevpar a welatê me ne."
Çelîk spasiya Ferhat Dopdogruyê Serokê Giştî yê Federasyona Komeleyên Jiyandina Çand û Zimanê Zazakî û kesên piştgirî dan kir.
Şaredar Erdal Arikan û vexwendî beşdarî mihrîcanê bûn.
Di çarçoveya mihrîcanê da sibê dê Maral, Servet Kocakaya, Cumalî Alp, Ekîn Akkaş, Avnî Polar û Mustafa Topaloglu derkevin sehneyê.
contact_the_ombudsman
is_there_an_error_in_this_story
