Günay Nuh
25 Berfanbar 2021•Rojanekirin: 01 Rêbendan 2022
Ji ber hewaya sar Gola Çildirê ya di navbera Erdexan û Qersê da ye ji alî Erdexanê bere bere diqerise.
Germahiya hewayê bi şev di bin sifirê da heta 24 pileyan daket û qismê rûyê golê yê di nav sînorê navçeya Çildirê da bi piranî cemed girt.
Hin welatî derketin ser gola cemed girtiye û meşiyan û çay vexwarin.
Ozturk Durdagiyê ji Çildirê hatibû daxuyanî da û got ku ew bi rojan e li benda vê yekê ne û wiha domand: "Em li benda vê yekê bûn. Êdî gola me cemed girt û em dikarin bi rihetî derkevin serê. Me jî îro çay çêkir û li serê kêf kir."
Turhan Kiliçê li gundê Akçakaleyê dikana wî ya masiyan heye got ku ew êdî dikarin bi rihetî derkevin ser cemedê û bangî turîstên xwemalî û biyanî kir ku bila werin Çildirê.