Serokomar Recep Tayyîp Erdogan got: "Ji pêşdibistanê bigire heta asta piştî doktorayê, em her roj bi saziyên xwe yên perwerdeyê, pirtûkxane û navendên ciwanan va asta pêwîst dike bilindtir dikin."

Serokomar Erdogan di Konferansa Navneteweyî ya Veguherîna Dîjîtal a Navendmirovî û Pirtûkxane 5.0 ya li Pirtûkxaneya Milet a Beştepeyê da axivî.

Erdogan anî ziman ku di perwerdeyê da ew her roj hê bêtir pêşva diçin û wiha got: "Ji pêşdibistanê bigire heta asta piştî doktorayê, em her roj bi saziyên xwe yên perwerdeyê, pirtûkxane û navendên ciwanan va asta pêwîst dike bilindtir dikin."

Serokomar Erdogan destnîşan kir ku Tirkiye xwedî kevneşopiyeke giring a pirtûkxaneyan e û wiha pê da çû: "Di qada pirtûkxaneyê da kevneşopiyeke me ya kûr a 1300 salan heye."

Erdogan Serokê Giştî yê CHPyê Ozgur Ozel rexne kir û wiha axivî: "Min duh hezeyanên serokê giştî yê partiya mixalefeta sereke hem li ser navê partiya wî û hem jî li ser navê siyaseta welatê me, bi şermî şopand. Ne diyar e ku ka ew serokê giştî yê duyemîn partiya herî mezin a Tirkiyeyê ye an makîneyeke heqaretê ya xirab e. Tirkiye uslûbeke wiha heq nake. Ev kes bi derewên ku her roj dibêje, bi buxtanên ku davêje her kesî û bi heqaretên ku li meydanan dike va her ku diçe êrîşkartir dibe. Dema hiş feqîr be, aqil ji xwe razî dibe û ziman jî nasekine. Ez bi xemgînî bibêjim, ev kes yekî belengaz e ku gotinên ji devê wî derdikeve guhên wî nabihîze."