Serokomar Recep Tayyîp Erdogan got, "Tirkiyeya ku bêbextiya 'çandinî lê qediya' lê hatibû kirin, îro di dahata çandinî da li ser asta Ewropayê lîder e, li cîhanê jî di rêza 8an da ye."

Erdogan li Hola Pêşangeha Gel a Beştepeyê ya li Kulliyeya Serokomariyê di bernameya fitarê ya digel cotkaran da axivî.

Serokomar Erdogan tekezî kir ku Tirkiye di warê çandiniyê da gelekî bi pêş ketiye û got, "Tirkiyeya ku bêbextiya 'çandinî lê qediya' lê hatibû kirin, îro di dahata çandinî da li ser asta Ewropayê lîder e, li cîhanê jî di rêza 8an da ye."

Serokomar Erdogan got, "Em ji aliyekî va di warê tendirustî û ewlehiyê da teftîşa xwarin û xurekê dikin û ji aliyekî va têkoşana me ya li dijî buhayên fahiş berdewam e. Bi îzna Xwedê yên ku çav berdana gepa helal a welatiyan, emê hewesa wan di qirika wan da bihêlin."

- Piştevaniya Geşepêdana Gundewarî ya 2025an

Serokomar Erdogan bal kişand ser Piştevaniya Geşepêdana Gundewarî ya 2025an û wiha pê da çû:

"Di sala 2025an da ji budceyê û bi piştevaniya kredî û hevfînansmana sazî-dezgehên navneteweyî, emê 18,5 milyar lîre weke piştevaniya geşeya gundewariyê bidin. Emê di warê gundewariyê da da veberhênaneke bi qasî 25 milyar lîreyî û îstixdama 10 hezar kesî bikin."

Serokomar Erdogan ragihand ku ji îsal va seranserê 5 salan ji bo di warên curbicur ên çandiniyê da bê xerckirin, bi qasî milyarek dolarî çavkanî, weke hîbe bidin cotkaran.