ANKARA (AA) - Serokomar Recep Tayyîp Erdogan piştî Civîna Kabîneyê daxuyanî dan.

Serokomar Erdogan di axaftina xwe da li ser pevçûna Îsraîl-Filistînê sekinî û ev gotin:

"Me her dem got ku em razî nînin ku ne lî axa Îsraîlê ne jî li axa Filistînê tiliya mesûmekî tenê xwîn bibe, em dibêjin. Em îro jî di heman fikrê da ne. Bi tu awayî nayê qebûlkirin ku Xeze bi herekatên asîmanî û bejayê bê serobinokirin, mizgeft bên bombekirin, zarokên mesûm, jin û sivîl bimirin. sraîl-Filistîn) Edeb û exlaqeke şer heye. Alî berpirsyar in ku riayetê vê bikin. Wekî ku em her dem dibêjin di aştiyeke adil da tu kes xeyb nake. Em bawer dikin heta ku di sînorên 1967an da Dewleteke Filistînê ya paytextê wê Quds e, xwedî yekîtiya coxrafî ye, serbixwe û desthilatdar e neyê avakirin aramî nayê herêmê. Ez dixwazim diyar bikim ku wek Tirkiye heke alî bixwazin veguhastina êsîran jî di nav da ji bo her cure navbeynkariyê em amade ne. Em ji Îsraîlê dixwazin ku bombebaranên xwe yên dijî axa Filistînê, ji Filistîniyan jî dixwazin ku tacîzên xwe yên dijî niştewarên sivîl ên li Îsraîlê rawestînin. Em ji bo peydakirina melzemeyên alîkariyên yên mirovî yên ku dê hewcehiya gelê Xezeyê pê çêbe amadehiyên hewce dikin."

- "194 hedef hatîn îmhekirin, 162 terorîst hatin berterefkirin"

Serokomar Erdogan der barê daxistina SÎHAya Tirkiyeyê da got ku "Bêguman ev bûyer li hafizeya me ya neteweyî hatiye qeydkirin û dema wext hat ya hewce teqez dê bê kirin."

Serokomar Erdogan der barê têkoşîna dijî terorê tê dayîn da wiha axivî:

"Em ê tu carî destûr nedin ku ne terorîstek li nav sînorên me da bimîne ne jî korîdoreke terorê bê avakirin. (Li bakurê Iraq û Sûriyeyê ji 1ê cotmehê vir va) Bi tevahî 194 hedef hatin îmhekirin. Di encama operasyonên me da 162 terorîst hatin berterefkirin." û axaftina xwe wiha domand:

"Mafê meşrû yê Tirkiyeyê ye ku heta bi hemû nav û şaxên wê va PKKyê bi temamî ji holê rake herekatên xwe yên dersînor bidomîne. Em ji hêzên ku bi rêxistinên terorê ra di nav têkiliyên nêz da ne dixwazin ji bo ku ji herekatên me zirarê nebînin bila hêmanên xwe yên li herêmê ji terorîstan dûr bixin."

Serokomar Erdogan der barê aboriyê da jî ev gotin:

"Em biryardar in ku car din hewldanên ji bo ku welatê me di nav sêgoşeya faîz, kur, enflasyonê ya ku serêşeke kronîk e da asê bikin, vala derxînin. Di serî da marketên me yên zincîr ez bangî hemû esnafên me dikim ku bi kêmkirina bihayan piştgiriyê bidin têkoşîna me ya dijî enflasyonê."

Serokomar Erdogan got ku "Me biryar da ku ji bo teqawîdên xwe ji bo carekî tenê 5 hezar lire pere bidin." û axaftina xwe wiha domand:

"Ev pereyên ku maliyeta wê ji bo budçeya me bi tevahî ji 61 milyar lireyê derbas dike dê di nîvê meha sermawezê li ser hesabê teqawîdên me bê razandin. 5 hezar lireyê dê bidin teqawîdan) Yên ku hem teqawîd in hem jî bi awayekî fiîlî dixebitin dervayî vê verastkirinê ne. Em ê serê salê car din rewşa teqawîdên xwe li ber çavan ra derbas bikin û wê demê her cure fedekariyê nîşan bidin."

Cumhurbaşkanı Erdoğan, "Konut ve kira sektöründe piyasanın dengesini bozan, fahiş fiyat artışlarına yol açan kişi ve kurumlara yönelik ağır yaptırımlar getiriyoruz." diye konuştu.

Serokomar Erdogan got ku" Em ji bo kes û saziyên ku di sektora kirê û avahiyan da hevsenga piyaseyê xira dikin, bihayan gelekî zêde dikin mueyideyên giran tînin."