Serokwezîrê Îsraîlê Binyamîn Netanyahu işaret da ku ew ê êrîşeke bejahî bibin li ser bajarê Refahê yê ku li ser sînorê Misrê ye û nêzî milyon û nîvek kesên ji ber êrîşên Îsraîlê li wir bi cih bûne.

Ofîsa Serokwezîrtiyê ya Îsraîlê daxuyaniyên Netanyahu yên der barê êrîşên dijî Xezeyê yên di civîna lijneya wezîran da anî ziman weşand.

Netanyahu îdia kir ku wan heta niha ji 24 tabûrên Hemasê jê 17 heb îmha kiriye û wiha got: "Piraniya tabûrên ku mane li başûrê Xezeyê û Refahê ne, em ê bi wan ra mijûl bibin."

Netanyahu anî ziman ku hêzên Îsraîlê li deverên bakur û navend yên Xezeyê êrîşên tund dikin û got divê ew herêm ji eskeran bê safîkirin.

Netanyahu got xebatên wan ên ji bo berdana girtiyên li Xezeyê dewam dikin û wiha axivî: "Wek ku min di kabîneya ewlehiyê da jî destnîşan kir, em ê tu peymanê (der barê pevguhertina girtiyan ya bi Hemasê ra) tu caran qebûl nekin."