Mixalifên Sûriyeyî piştgirî dan mitabaqata Îdlibê
Eniya Azadkirina Neteweyî ku li Îdlibê koma eskerî ya herî mezin e, diyar kir ku ew piştgiriyê didin mitabaqatê
İdlib
ÎDLIB
Eniya Azadkirina Neteweyî ku li Sûriyeyê koma eskerî ya herî mezin a mixalifan e, diyar kir ku ew piştgiriyê didin mitabaqata Îdlibê ya navbera Tirkiye û Rûsyayê.
Eniya Azadkirina Neteweyî ku yek ji şaxa Artêşa Azad a Sûriyeyê ye, li ser hesabê xwe yên medyaya civakî daxuyaniya nivîskî da û got ku ew piştgiriyê didin mitabaqata Îdlibê.
Di daxuyaniyê da wiha hat gotin: "Ji bo pêşî li ber şer girt, em sipasdarê Serokomarê Tirkiyeyê Recep Tayyîp Erdogan in. Destkeftinên hevdîtinên Soçiyê û xebatên dîplomasiyê yên ku Tirkiyeyê meşandin serkeftinek e.
Di daxuyaniyê da hat gotin ku gel ji bo encama mitabaqatê kêfxweş bû û wiha hat gotin, "Xwepêşanên ku roja înê hatin kirin, seba piştgiriya encamên mitabaqatê bûn.
Di daxuyaniyê da wiha hat gotin, "Em ê dev ji hedefa ya ketina rejima Esed bernedin. Ji bo vê em ê çeka xwe daneynin. Tevkariya me û Tirkiyeyê wê dewam bike. Em ê li dijî êrîşên xedar ên Rûsya, Îran û rejima Esed hişyar bimînin."
Serokomar Recep Tayyîp Erdogan û Serokê Dewleta Rûsyayê Vladimir Putîn di 17ê îlonê da li Soçiya bajarê Rûsyayê "Mitabaqata Li Ser Herêma Kêmkirina Rageşiyê ya Îdlibê Îstiqrarkirina Rewşê" îmze kiribûn.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
