Me dilşadî li Tirkiyeyê dît

MALATYA

Li Meletiyê di Tesîsa Cihê Mayînê ya Beydagiyê de heta niha 120 dewatên penaberên sûriyeyî hatin kirin.

Berpirsiyarê bajarê konteynerê Nîhat Yazicioglu daxuyanî da nûçegihanê AAyê û got ku ji sala 2013an û heta niha ev tesîs xizmetê dike û 7 hezar û 800 sûrîyeyî li vê derê dimînin. Yazicioglu got ku wan heta niha 120 dewat kirin. 

Şems Begdaş (21) jî li bajarê konteynerê zewicî û got ku ew bi 5 ferdên malbata xwe ve ji Hûmûsê ber şer revîn û hatin Meletiyeyê.

Begdaş got ku ew û mêrê xwe cara ewil li Cerablûsê rastî hev hatin û wê demê ew ji şer direvîn û wiha dewam kir: "Pişt re em hatin Meletiyeyê û em zewicîn û pir kêfxweş in. Me dilşadî li Tirkiyeyê dît."

Muayed el Yûsifê (24) mêrê Begdaşê jî ji got ku ew jî ji Hamayê ber şer revîn û hatin û wiha pê de çû: "Em hatin li vê derê zewicîn. Em ji Serokomar Recep Tayyîp Erdogan û gelê Tirkiyeyê re sipas dikin. Tişta ku Esed ji gelê xwe re nake, Erdogan dike."