Dinya

Li Endonezyayê erd bi lerza 6,2yê hejiya: 8 mirî

15 hezar kes hatin texliyekirin

Haydar Şahin   | 15.01.2021
Li Endonezyayê erd bi lerza 6,2yê hejiya: 8 mirî

Jakarta Raya

 Li Majeneya bajarê Sulawesiya Rojava ya eyaleta Endonezyayê erd bi lerza 6,2yê hejiya, 8 kes mirin.

Di daxuyaniya Ajnasa Rêveberiya Afatê ya Neteweyî da hat diyarkirin ku li Majeneyê di saet 01.28an da erd bi lerza 6,2yê hejiya.

Rayedaran gotin ku di erdhejê da 8 kes mirin û 637 kes birîndar bûn, Walîtiya Sulawesiya Rojava jî diyar kir ku li nexweşxaneyekê xisar çêbû.

Rayedaran destnîşan kir ku di erdhejê da 62 xaniyan zirar dît û di xetên ragihandinê da pirsgirêk derket, xebatên lêgerîn û xilaskirinê dewam dikin.

Piştî erdhejê 15 hezar kes texliyeyî herêmên ewledar kirin.

Rayedarên Saziya Meteorolojî, Avûhewa û Jeofizîkê jî diyar kirin ku hetanî nika 26 erdhejên piçûk çêbûn, ji ber xetereya tepbûna avahiyan ji welatiyan xwestin ku bira ji avahiyên bilind dûr bisekinin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın