Dinya

Kumsipî li Îdlibê rêça şer paqij dikin

Haydar Şahin   | 24.09.2020
Kumsipî li Îdlibê rêça şer paqij dikin

İdlib

 Parastina Sivîlan a Sûriyeyê (Kumsipî) li Îdliba bajarê li bakurê welêt kuçe û kolanên di êrîşên rejima Beşar Esed û piştgirên wê da bûne xirabe rêça şer paqij dikin.

Ekîbên Parastina Sivîlan li Erîhaya navçeya Îdlibê ji bo xirabeyên ji şer mane paqij bikin û kuçeyan serast bikin bi navê "Hêviya kesên vedigerin malê" va kampanya dan destpêkirin.

Hesen Ehmedê ji Berpirsyarên Ragihandin û Medyayê ya Parastina Sivîlan daxuyanî da nûçegihanê AAyê û diyar kir ku ji bo rêça şer a di jiyanê da paqij bikin kampanya dan destpêkirin.

Ehmed wiha got: "Ji bo xizmetê bidin sivîlên piştî agirbestê vedigerin malên xwe me kampanya da destpêkirin, 35 xebatkarên me bi 15 makîneyên kar va beşdarî kampanyayê bûn."

Ehmed destnîşan kir ku xirabeyên li kuçe û hin meydanan radikin, kevirên peyarêyan boyax dikin û hewl didin bajar kaw xanê bike.

- Rewşa Îdlibê

Tirkiye, Rûsya û Îranê di 4-5ê gulana 2017an da di civîna Astanayê da Îdlib û hin herêmên bajarên derdora wê (wilayetên Lazqiye, Hema û Helebê), bakurê bajarê Humsê, li Xûteya Rojhilat a li Şama paytext û herêmên li başûrê welêt (wilayetên Dera û Quneytrayê) bi tevahî 4 "herêmên kêmkirina rageşiyê" hatibûn îlankirin. Lêbelê rejim û terorîstên ku Îran piştgiriyê dide wan, ji 4 herêman bilî Îdlibê herêmên din tev bi piştgiriya esmanî ya Rûsyayê bi dest xistin û berê xwe dan Îdlibê.

Di îlona 2018an da Rûsyayê ji bo hêzdarkirina agirbestê li Soçiyê mitebeqata pêvek îmze kir.

Rûsya û rejimê di gulana 2019an da operasyon dan destpêkirin ku tevahiyê herêmê zeft bikin û gelek wargehên li Îdliba Herêma Kêmkirina Rageşiyê zeft kirin.

Herî dawîn Tirkiye û Rûsyayê di 5ê adarê da li Moskovayê mitebeqateke teze çêkirin.

Agirbesta ku gelek caran bi destê rejimê tê binpêkirin dewam dike. Di heyama 2017-2020î da kêmzêde 2 milyon sivîlî ji ber êrîşên rejim û Rûsyayê koçî herêmên nêzî sînorê Tirkiyeyê kir.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın