Haydar Şahin
18 Nîsan 2020•Rojanekirin: 19 Nîsan 2020
Halîl Îbrahîm Balciyê Serokê Federasyona Firinkaran a Tirkiyeyê diyar kir ku bi wesayîtan li kuçe, kolan û taxan digerin li gel nan belav dikin.
Balci di daxuyaniya xwe da destnîşan kir ku li gor giştînameya Wezareta Karên Navxweyî di çarçoveya "qedexeya derketina derva" ya li 30 bajarên mezin û Zonguldaxê da pirsgirêkeke wan tune nan bi hêsanî belav dikin.
Balci bi bîr xist ku ji bo belavkirina nan yekeyên Wefaya Piştgiriya Civakî jî li qadê ne û wiha pê da çû:
"Ji bo wekî hefteya borî nebe di seroktiya walî û qaymeqam da komisyona ji nûnerên odeya me, rêveberiyên herêmî, ewlekarî û cendirmeyan pêk tê fikra mixtaran jî hildan û herêmên belavkirina nan eşkere kirin. Di vê çarçoveyê da wesayît li tax, kolan û kuçeyan digerin û nan li welatiyên me belav dikin."
