سلێمانی.. یادی له‌دایكبوونی پێغه‌مبه‌ری ئیسلام كرایه‌وه‌

سلێمانی - AA

به‌ ئاماده‌بوونی مسوڵمانان و نوێنه‌ری مه‌سیحییه‌كانی شاری سلێمانی و ئاواره‌ عه‌ره‌به‌كان یادی له‌دایكبوونی پێغه‌مبه‌ری ئیسلام كرایه‌وه‌.

یاده‌كه‌ به‌ زیكری ده‌روێشه‌كان وسرود و كۆمه‌ڵێك گوتاری كه‌سایه‌تی ئایینی و نوێنه‌رانی حكوومه‌ت و نوێنه‌ری مه‌سیحییه‌كانی شاری سلێمانی به‌رێوه‌چوو كه‌ به‌ گشتی وتاره‌كان باسیان له‌ پیرۆزی یاده‌كه‌ و گرنگی پێكه‌وه‌ژیان و یه‌كتر قبووڵكردنی دەکرد.

لە یادکردنەوەکەدا، هەروەها باس له‌ مێژووی پێكه‌وه‌ژیانی ئایینه‌كان له‌ ھەرێمی كوردستان به‌گشتی و له‌ سلێمانی به‌تایبه‌تی كرا.